Ճարտարապետական նախագծում
Ճարտարապետական նախագծումը մեր ընկերության ամենաերիտասարդ և ամենաակտիվ զարգացող ճյուղերից է: Երիտասարդ և ստեղծագործ թիմը` կազմված ճարտարապետ-մասնագետներից, դիզայներներից, ինժեներ-նախագծողներից, հնարավորություն է տալիս մեր հաճախորդներին իրագործել տան հետ կապված իրենց բոլոր պատկերացումները կամ որևէ տարածք իդեալապես հարմարեցնել գրասենյակի:
Մեր գործում մեր հիմնական սկզբունքներն են ֆունկցիոնալությունը, հարմարավետությունը, դիզայներական լուծումների մաքսիմալ օգտակարությունը և ճարտարապետական ձևերի էսթետիկությունը: Մեր ընկերության անվիճելի առավելությունն է ավագ սերնդի փորձառության, կոնսերվատիզմի և երիտասարդների նոր ու էքսպերիմենտալ գաղափարների սինթեզը: Թիմային աշխատանքի արդյունքում ընտրված որոշումները իրենց մեջ ներառում են ինչպես դարերից եկած ավանդական մասնիկներ, այնպես էլ ճարտարապետական վերջին նորամուծություններ:
Լինելով համեմատաբար նոր այս ոլորտում` մեր ընկերության ճարտարապետական բաժինն իրականացրել է տասնյակ շենքերի և կոմպլեքսների նախագծեր, որոնցից մի քանիսն արդեն գտնվում են ավարտման փուլում: Նախագծի պատրաստման փուլում մեր մասնագետներն անընդհատ գտնվում են անմիջական կապի մեջ պատվիրատուի հետ, անկախ նրանից նախագծվում է բնակարանային ինտերիեր, թե բազմահարկ շենք` փորձելով հնարավորինս ճիշտ վերարտադրել պատվիրատուի սկզբնական պատկերացումները նախագծի վերաբերյալ:
Կարևոր է նաև այն, որ գործի ընթացքում մենք մեր հաճախորդներին տեղեկացնում ենք շուկայի բոլոր տեխնոլոգիական նորամուծությունների մասին` հնարավորություն տալով նրանց խնայել բավական ժամանակ և միջոցներ:
Ճարտարապետական և դիզայներական նախագծման ոլորտում "ԷՍԿո-Կոնցեռն"-ը իրականացնում է հետևյալ ծառայությունները`
- Բնակելի, հասարակական շենքերի և շինությունների ճարտարապետական, դիզայներական և ինժեներական կոմունիկացիաների նախագծում
- Նախագծա-նախահաշվային փաստաթղթերի լրիվ փաթեթի պատրաստում
- Նախագծա-նախահաշվային փաստաթղթերի համաձայնեցում համապատասխան ատյաններում
- Ինտերիերի և էքստերիերի դիզայնի նախագծում
- Ճարտարապետական և դիզայներական նախագծման խորհրդատվություն
- Հեղինակային հսկողության իրականացում
Շինարարություն
Մեր ընկերությունը կապիտալ շինարարության մեջ է ներդնում ոչ միայն սեփական և ներգրավված միջոցներ, այլև ինքնուրույն զբաղվում է կառուցա-մոնտաժային և ուղղման աշխատանքներով: Դրա համար մի քանի տարի առաջ կազմավորվել է շինարարական բաժին: Մեր շինարարների կողմից արդեն կառուցվել են մի քանի նախագծեր, ևս մի քանի օբյեկտներ գտնվում են կառուցման փուլում:
Մեր ինժեներա-տեխնիկական խմբի համաձայնեցված աշխատանքի, ինչպես նաև նյութա-տեխնիկական բազայի շնորհիվ` մենք կարողացել ենք հասցնել շինարարական արտադրության կուլտուրան շատ բարձր մակարդակի` շատ խստապահանջ լինելով մեր կատարած աշխատանքների որակի նկատմամբ: Շինարարության ոլորտում ընկերության կառավարման կարգախոսն է. "Ամեն օբյեկտ կառուցում ենք ինչպես մեր սեփական տունը":
Մեր շինանարները մշտապես հետևում են շուկայում հայտնվող նոր շինարարական տեխնոլոգիաների և նյութերի հայտնվելուն` ներգրավելով դրանք շինարարական աշխատանքների մեջ, ինչը բնականաբար լավ է անդրադառնում շինարարական արտադրության ինքնարժեքի և ժամկետների վրա:
"ԷՍԿո-Կոնցեռն" շինարարական բաժինը իրագործում է`
- Արտադրա-քաղացիական շինարարության շինարարա-մոնտաժային աշխատանքների ամբողջական ցիկլ
- Հողային աշխատանքներ
- Ինժեներական և տեխնիկական կոմունիկացիաների ներքին և արտաքին մոնտաժային աշխատանքներ
- Ուղղման աշխատանքներ
Հարկավոր է հատուկ նշել մեր հաջողությունների մասին բնական քարերի հետ աշխատելիս (մարմար, բազալտ, գրանիտ, դոլոմիտ, տրավերտին և այլն), հատկապես ավարտման և պաստառապատման գործերում: Այս ոլորտում մեր մասնագետներն ունեցել են գերհաջողություններ, առանց որևէ չափազանցման: Բաց և արդար գործնական մոտեցման շնորհիվ մեր ընկերությունը սերտ հարաբերություններ է հաստատել հայկական շուկայում շինարարական արտադրանքի գլխավոր ներմուծող ընկերությունների հետ, ինչը երաշխավորում է միայն բարձր որակի շինարարական նյութերի օգտագործումը մեր աշխատանքներում` մատչելի գներով:
Բացի դրանից մենք համագործակցում ենք աշխարհում հայտնի շինարարությանը կից ոլորտների (օդափոխություն, տելեկոմունիկացիաներ, ջեռուցում և այլն) սարքավորումների պատրաստման և տեղակայման աշխատանքներով զբաղվող ընկերությունների հետ: